Tuesday, July 21, 2015

මාමගේ මැච් බැලිල්ල







කලකට පස්සේ වේලකට බැස්සේ කියල හිතාගෙන ගිය ඉරිදා ගෙදර උන්දැලත් එක්ක නෑදෑ ගෙදරක යන්න ලෑස්ති කරගත්ත. පොඩි එකත් අසනීපෙන් හිටිය හින්ද ගිය සති දෙකේ කොහෙවත් යන්න ලැබුනෙත් නෑ.

අපේ මාම කෙනෙක්ගේ ගෙදර තමයි ගියෙ. අම්මනම් කියන්නේ මාම ඇවිදින්නෙ නෙලුම්කොලේ උඩ කොරවක්ක ඇවිදිනවා වගේ කියල. ( දන්නේ නැත්නම්  නෙලුම් කොලයක් උඩ කොරවක්කෙක් තියල බලන්න )

හවස පහට කිට්ටු වෙද්දී මාමගේ ගෙදර ලගට ගියා විතරයි පුටු බලු නාම්බෝ දෙන්නෙක් බෙරිහන් දෙන්න ගත්ත.
කොහොමහරි බලු නාම්බන්ගෙන් බේරිලා ගේ ඇතුලට රිංග ගත්ත බොහොම අමාරුවෙන්.

එදා ක්‍රිකට් මැච් එකත් තිබ්බ හින්ද අපි යනකොට මාම මැච් එක බලනවා අගල් 32 පුළුල් තිරේක..

එතකොට ලකුණු තත්වය  224 විතර. පකිස්තාන් කණ්ඩායමට විකට් තිබ්බ හින්ද ලකුණු 300 කට එහා යන තත්වයක් තමයි තිබ්බේ. 
කොහොමත් එහෙම උනානෙ.

මාමේ ලකුණු 300 නම් ගහයි වගේ නේද..

නෑ නෑ තව 55  දිනන්න ඕනේ .

නෑ මාමේ පකිස්තානෙනේ ඉස්සෙල්ල ගහන්නෙ..

එතකොට මේ ඉස්සෙල්ල ඉනිමද

ඔව්

එතකොට අර පහලින් දාල තියෙන්නෙ 279 කියල මොකද්ද

මාත් බැලුව මොකද්ද ඒ කියන්නේ කියල

බැලින්නම් මෑන් රැවටිලා තියෙන්නේ PROJECTED SCORE එකට.
අම්මප මාම කට බලියාගෙන මැච්  එක බලද්දී මට හිතුන තේරුමක් ඇතුව බලනවා කියල.

මාමේ ඒ තියෙන්නෙ PROJECTED SCORE එක . ඒ කියන්නෙ දැනට තියෙන රන් රේට් එකට ඕවර්ස් 50 ට ගනියි කියල හිතෙන ගාන..

ආ එහෙමද....

මන් උදෙත් බැලුව ටි.වී. ඒකෙ මැච් එක තිබ්බේ නැ.. මන් හිතුවේ පෙන්නන්න නැතුව ඇති කියල..

මාමත් එක්ක මැච් එක ගැන කතා කරන්න ගියොත් මන් අමාරුවේ වැටෙන හින්ද සද්ද නැතුව මැච් එක බැලුව.

Wednesday, June 17, 2015

හරකා බොත්තම් සහ ටොයිලට්



හරකා 



අපේ ගෙදරට අල්ලපු වැටේ ඉන්න අක්ක කෙනෙක් අලුතෙන් ස්කුටියක් අරගෙන . ඉතින් මුලදී මුලදී හිමින් ගියාට දැන් නම් අපිටවත් අල්ලන්න බැරි වේගෙන් තමයි යන්නෙ.

ඉතින් මේ සිද්දිය ඔය කියන අක්කට වෙච්ච එකක්.

දවසක හවස් ජාමේ  එයාගේ දුවයි පුතයි එක්ක පන්ති ඉවර වෙලා ගෙදර යනවලු. .  ඔහොම යන අතරේ කොල්ලෙක් බයික් එකක් පාරට දාල හදිස්සියෙන්. . ඉතින් හදිසියේ වෙච්ච දේට කර ගන්න දෙයක් නැති කොට බ්රේක් පාරත් එක්ක පාරේ පත බෑවිලා..

ඉතින් වට පිටේ ආපු මිනිස්සුත් උදව් වෙලා මෙයාලව නැගිට්ටවන්න. වැටිච්ච බයික් එකත් අයිනට කරලා දීල. දෙතුන් දෙනාටම පොඩි පොඩි තුවාලත් සිද්ද වෙලා..

ඔහොම ඉන්නකොට සිද්දිය නොදැකපු සියා කෙනෙක් ඇවිත් එතනට..

පුතේ මොකද උනේ...  සියා අක්කාගෙන් ඇහුවලු.

අක්කටත් තද වෙලා හිටපු හින්ද අර කොල්ලව පෙන්නලා කිව්වලු

අන්න අර හරක හින්ද තමා උනේ  කියල

ඉතින් සියා කිව්වලු

ආ .. ආ... පුතේ හරකෙක් හප්පුනාද බයිසිකලේ..

හරකෙක් නෙමේ අන්කල් අර කොල්ල බයික් එක දැම්ම පාරට ..  කියල මාරු උනාලු.


..............................................

බොත්තම් 

අපේ ගෙදර ඉන්න පුසිත් දාන්ගලේ වැඩි වෙලා බඩකුත් උස්සන්ගෙන ඉදල ගිය මාසේ ලෝඩ් එක බෑව. පැටවූ පස් දෙනෙක් විතර උන්න වගේ මතකයි. දැන්නම් 2 කට අඩු කර ගත්ත දාන්න අවුරුද්දට ගෙදරට අපු උදවියට පින්සිද්ද වෙන්න.. හිස් අතින් යවන්නත් හොද නැති ඒකෙ එක එකා බොහොම අමාරුවෙන් දීල යැව්වා..

ඔන්න දවසක් පොඩි එකෙකුත් එක්ක ආව නෑදෑ වෙන අක්ක කෙනෙකුයි හබියයි... පොඩි එකාටත් ඉන්න බැ දාන්ගලේ..

කොහොම හරි යන්න ලෑස්ති වෙලා  පොඩි එකා එලියට බැස්සම තමයි දැක්කේ පුසී එළියේ නිදන් ඉන්නවා.

අම්මේ....

ඇයි..

අර මොනවද පුසිගේ ඇගේ බොත්තම් වගේ තියෙන්නෙ.

මටත් ඇහුන පාර ඒ දිහා බලලා අක්ක දිහත් බැලුව..

අක්ක සද්ද නැ..

අම්මේ.. මොනවද කියන්නකො ඒ  බොත්තම් වගේ තියෙන්නේ කියල...

ඒ සැරේ කොල්ලගෙන් බේරෙන්න බැ .. අහන්නෙම ඒක..

අක්කටත් හිනා යන්න ඔන්න මෙන්න හින්ද පොඩි එකට කියා දැම්ම පැටවුන්ට කුක්කු දෙන්නෙ ඒකෙන් කියල..


.............................................................................................

ටොයිලට් එක


පහුගිය සතියේදී ඔෆිස් ඒකෙ වෙච්ච දෙයක් මේ කියන්න යන්නේ..

ඔෆිස් එක අතුගාල මොප්  කරන්නේ  විමලසිරි කියල කෙනෙක්. 
 සතියකට සැරයක් විතර කොස්සකුත් අරන් එනවා අතු ගාන්න.. මොප්  කරන්න ගියත් ඇහැට පේන හරිය විතරක් කරලා ශේප් වෙනවා.

ඉතින් කට පොඩ්ඩක් තියෙන  මිනිහට ඕනෑම ප්‍රශ්නෙකට දෙන්න උත්තරයක් නම් තියෙනවා.

ඉතින් මේ කියන දවසෙත් මිනිහ මොප්  කරලා ඉවර වෙක වතුර එක හලන්නද මන්ද ගිහින් තියෙන්නේ ලේඩිස් ටෝයිලට්  එකට.

ඕකෙන් එලියට එද්දිම ඔෆිස් ඒකෙ වැඩ කරන කෙනෙක්ට මාට්ටු උනා..

“විමලසිරි දැන් ලේඩිස් ල යන ටොයිලට් වලටද යන්නෙ.” කියල යාළුවා ඇහුව.

විමලසිරි කියපි..

“ඔව් ඉතින් මන් ගෙදරදීත් යන්නෙත්  ගෑණි යන ටෝයිලට්  එකටමනෙ.”


Thursday, May 28, 2015

අලුත් ඩයිවර්





කාලෙකට පස්සේ ආයිත් පරණ ඔපිස් ඒකෙ වැඩකරන හින්ද  පරණ අතීතේ මතක් උනා.වැඩ වැඩි හින්ද පොස්ටු දාන්නත් පරක්කු උනා..
මේ කියන්න යන්නේ දැනට අවුරුදු 6 කට විතර කලින් ඔෆිස් ඒකෙ වැඩකරද්දී වෙච්ච සිදුවීමක්.

මන් වැඩකරන කොම්පැනියේ  ප්‍රධාන කාර්යාලේ ඉදන් කර්මාන්තශාලාවට යන්න වෙනම වැන් එකක් දාල තිබුණ ඔපිස් ඒකෙ වැඩකරන අයගේ පහසුව සදහා.. මේකෙ ප්‍රවාහන අංශයෙ  නැති වාහනය ක් නැ.කාර්,වැන්,බස්,ලොරි,ට්‍රැක්ටර්,බැකෝ , . . . .ඉතින්  මේ කියන වැන් ඒකෙ ඉන්න රියදුරු මහතා දවසින් දවස වෙනස් වෙන වෙලාවලුත් තිබුණ. . කට්ටියත් ඉන්න ඒකෙ බය වෙන්න දේකුත් නැනේ.

මේ කියන දවසේ මමත් තවත් කීපදෙනෙක්  ෆැක්ටරියට යන්න වැන් එක එනකන් බලන් උන්න. වෙනද වෙලාවත් පහු වෙලා. මොකද ඒක එන්න ඕනේ ඔපිස් එක ලග තියෙන ෆැක්ටරියෙ ඉදන් . කිලෝමීටර් එකක් වගේ දුරක තමයි ඒක තිබුනේ. .  ඉතින් වෙනද වෙලාවට වැඩිය පැය භාගයක් විතර පරක්කු වෙලා මෙන්න වැන් එක එනවා තටම තටම..

බැලින්නම් වැන් එක එළවන් එන්නෙ  ට්‍රැක්ටරේ එලවන ඩයිවර් උන්නැහෙ .එදා ඩයිවර් ලගේ අහේනියක් හින්ද  මේ මනුස්පය තමයි එවල තියෙන්නෙ .  .

අපිත් යන්න කියල ගොඩ උනා වැන් එකට.

 ට්‍රැක්ටර් වගේද වැන් කියල මෑනුත් යන්න පිටත් උනා

ගියර් එකක් දාන ගානේ වැන් එක ස්ලෝව් වෙනවා. ගත්ත ගම්මෙනුත් වැඩක් නැ. අනිත් ගියර් එක දාද්දි වැන් එක නවතින ගානට ඇවිල්ල.

මොනවා කරන්නද

ඔහොම යන්න යද්දී වාහනයක් ඉස්සර කරන්න වෙලා පොර සුපුරුදු පරිදි හෑන්ඩ් සිග්නල් දැම්ම.

දොහ් ... ...

අපිත් බැලුව මොකද්ද සද්දේ කියල.

පොර ට්‍රැක්ටරේ පුරුද්දට අත දාල . හැබැයි වැන් ඒකෙ විදුරු වහල කියල අමතක වෙලා..

හික්ස්...

සමහර වෙලාවට එහා පැත්තෙන් හය්යෙන් වහනයක් එනවා දැක්ක ගමන් හත් ගව්වක් තියල මෙහෙ අමුඩේ බ්රේක්  ගහල  ඉවරයි .

අපිත් ඉතින් අතට අහුවෙන දෙයක් බදාගෙන තමයි ගමන ගියේ..

ඔහොම ටික දුරක් යද්දී කළු දුමක් දාගෙනම වාහනයක් රේස් කර ගෙන ගියා ඉස්සරහින් . දුම්  වලාව එනවා අපේ වැන් එක දිහාට

අපේ ඩයිවර් උන්නැහේ මොකද දන්නවද කලේ.

දුම මග අරින්න වගේ ඔලුව ටිකක්  පාත් කරගත්ත . හික්ස්

බයිසිකල් වල යන අය දන්නවනේ දුමක් එද්දී කොහොමද එක මැදින් යන්නේ කියල. අන්න ඒ විදිහම තමයි.
ඒ සැරෙත් පොරගේ ට්‍රැක්ටර් පුරුද්ද අතාරින්න බැරි උනා..

පස්සේ කව්දෝ මන්ද  කිව්වා අමතක වෙලා පොර කෙල බෙට්ටකුත්  ගහල වීදුරුව වහල තියෙද්දී ඊලග හයර් එකේදී.

එක සැරේට වහන් මාරු උනාම අපිට උනත් එලවන්න අමරුයිනේ.. මැන් ටත් ට්‍රැක්ටරේ වගේ ෆුල් ඕපන් නැති හින්ද අවුල් යන්න ඇති..
ටික දවසක් යද්දී නම් මිනිහ හොදට වැන් එක එලවන්න ගත්තා. . කොහොම හරි වෙනද පැය භාගෙන් යන ගමනට එදා පැයක් විතර ගත උනා..

ප .ලි.
කාටවත් අපහාසයකට නොලියමි.